LINGORETEIR@S

 Extra! Extra! Xa está aquí o número 1 do noso xornal de centro: A Voz do Canicouva. Este curso, o equipo de dinamización da lingua galega en colaboración co equipo de biblioteca, decidiu substituír a nosa fermosa revista por un xornal, para así traballar o formato papel na Semana da Prensa. Cada clase elaborou unha serie de artigos sobre as actividades realizadas no presente curso, e o alumnado de educación infantil foi o encargado de pór a nota de cor cos seus orixinais anuncios ofrecendo todo tipo de produtos e servizos. Esperamos que desfrutedes do contido tanto coma nós. E se che gusta, podes descargar o teu exemplar aquí mesmo. A voz do Canicouva de Sabela

Olaaa familia lingoreteirana! Xa estamos en maio, no mes das letras, das nosas benqueridas letras! Para celebralas, no centro anotámonos ao reto #queveñenasletras, onde ata o 17 de maio, cada día se sube un libro en galego. O obxectivo é encher este mes as redes sociais co bo traballo das nosas autoras e tradutores. Animámosvos desde aquí a participar, non fai falla participar todos os días, só aqueles que teñades un libro que desexedes compartir. O reto finaliza o 17 de maio, o día das Letras Galegas, que se recordades ben se celebra este día en honra da publicación de Cantares Gallegos de Rosalía de Castro. Este ano, o día das Letras Galegas homenaxéase a Francisco Fernández del Riego, que por certo! Sabíades que foi un dos autores que no seu día propuxo a celebración das Letras Galegas? Francisco ten unha ampla traxectoria intelectual, política e artística e é o responsable da creación da editorial Galaxia que seguro que vós soa a moitas de vós! Para que vos acheguedes a súa

Moi feliz Día do Libro! Hoxe é un día moi especial, de festexo, porque chegou o Día do Libro. Este celébrase o 23 de abril, data que escolleu a UNESCO   pola data de falecemento de autores como Shakespeare e Cervantes. Para celebrar o Día do Libro realízanse actividades moi diversas   nas distintas cidades do mundo, organizadas por institucións como Concellos, librarías, bibliotecas, asociacións de veciñanza, etc. No noso país ademais, temos a tradición de Cataluña, onde o Día do Libro coincide con Sant Jordi e celébrano agasallando unha rosa e un libro a un ser querido. Seguro que isto da rosa xa vos soa de algo... e é que pouco a pouco esta tradición comeza a estenderse a outros puntos da península. Para celebrar por aquí o Día do Libro deixámosvos un texto moi que o autor grego Vagelis Iliopoulos redactou para o Día Internacional do Libro Infantil e Xuvenil, que se cebera o 2 de abril. E é que abril é sen dúbida o mes do libro!   Eu son un libro. Ti es un libro. Todos so

  O tema de Wöyza , a cantante de soul e hip-hop galega, co grupo The Galician Messengers é unha adaptación dunha cantiga de Martín Codax que como outras del, chegaron ata os nosos días. É por que vimos hoxe a falar de Martín Codax? Pois porque o pasado 1 de abril celebrouse o Día das Artes Galegas e este ano dedicouse a súa figura. Martín Codax foi un trobador galego que viviu na Idade Media (entre o ano 1200 e 1300). Os trobadores eran poetas medievais que na época se dedicaban a compoñer cantigas para que os xograres entretivesen ao seu público recitando pezas, tocando instrumentos e facendo distintos xogos. Pese a que o nome de Martín Codax é ben coñecido en Galicia, dándolle nome a unhas afamadas bodegas así como a uns importantes premios musicais, o certo é que o paso do tempo e a pouquísima información que chegou ata os nosos días, fai que as incertezas en torno á Martín Codax sexan maiores que  as evidencias, existindo dúbida

Ola xentiña lingoreteirana! Hoxe pasamos por aquí para amosarvos o incrible traballo que realizou o noso alumnado como parte dunha actividade artellada polo equipo EACE do noso centro. Esta enmarcouse dentro das actividades realizadas polo 8M en liña co noso proxecto: as artes plásticas, traballando en torno a unha pintura da nosa artista Nuria Calviño. Nuria é mestra de audición e linguaxe, membro do noso equipo de dinamización de lingua galega (lingoreteira de alma) e unha apaixonada da arte. Entre outras moitas cousas debuxa figuras femininas e desfruta empregando diversas técnicas, que ao longo dunha semana achegou ao alumnado con moita paciencia e cariño. Podedes velo con son no Instagram do centro. Graciñas Nuria pola túa dedicación! Esperemos que vos guste o resultado final tanto como a nós!

Queridas lingoreteiras e lingoreteiros! Onte foi 8M, un día non de celebración senón de análise e reflexión sobre o espazo que ocupamos as mulleres nas distintas esferas da sociedade. Un día para alzar a nosa voz.  Como sabedes, este ano o proxecto do centro son as artes plásticas, polo que nos pareceu moi interesante reflexionar tamén sobre a relación que as mulleres mantivemos coa arte e quenes son os artistas que estudamos e admiramos ben no cole ou ben fóra del.  Así que vos propoñemos un reto: collede lapis e papel e anotade nel todos os nomes que se vos ocorran de grandes artistas cunha carreira profesional chea de éxitos e recoñecemento, que estudáchedes na escola ou visitáchedes nun museo.   E agora vén a pregunta: de toda esa listaxe, cantas son mulleres? Aventurámonos a dicir que ben poucas, xa que a día de hoxe todos coñecemos o papel da muller ao longo da historia, relegadas ao coidado e afastadas da súa realización profesional.  Pero non só iso, senón que tamén nos parece