A princesa do Caurel

Ola comunidade lingoreteirana! Aínda que xa estamos de vacacións, aparecemos por aquí porque temos unha nova marabillosa! 

Hoxe saeu a resolución dos premios as curtas de animación Nós tamén creamos! e concedéronnos un accésit. Aproveitamos esta ocación para deixarvos por aquí a curta e agradecervos a vosa asistencia as distintas proxeccións que se realizaron no centro. Estamos moi contentas co accésit, pero o mellor agasallo foi todo o voso apoio e palabras de alento.

Non queremos despedirnos sen felicitar ao alumnado de 2º polo seu incrible traballo: Sira, Adrián, Mateo, Daniela, Álex, Nara, Marta, Carolina, Bruno, Carlotta, Luca, Brais, Anxo, Ana, José, Osckar, Amelia, Daniel, Lara, Thiago, Izan, Rober, Giulia, Thiago, Laura, Alba, Nathalia, Aroa, Fernando, Nuria, Luciana, Lucas, Santino, Bran e Aitor... moitísimos parabéns! Que este sexa o primeiro paso dunha traxectoria chea de lingua e cultura! Agora si, moi feliz verán!


Comentarios

  1. Sabela3 de xullo de 2023, 13:54

    Moitos parabéns! Foi un pracer acompañarvos nesta aventura xunto co profe Juan. Viva a princesa do Caurel!

    ResponderEliminar

Publicar un comentario

Publicacións populares deste blog

A visita do Apalpador

Imaxe
Queridos Lingoreteir@s! Como ben sabedes, esta semana tivemos unha visita moi especial no cole, a do Apalpador. Esta entrañable personalidade chegou ao Canicouva directa do Courel, directa en autobús... que vén sendo similar a chegar a pé. Para todas aquelas persoas que non asistichedes ao cole o martes, deixámosvos por aquí unhas fotiños que son a proba fidedigna de que o Pandigueiro visitou o Canicouva. Como podedes imaxinar, a ruta foi longa e o Apalpador xa padece algúns dos achaques propios da idade. Emporiso, a fatiga non lle resta nin unha chisca de ledicia e as alí presentes puidemos desfrutar da súa grata compaña. E por iso decidimos escribirlle unha carta. Desta vez non para pedirlle nada, senón de agradecemento, porque non vai ser todo pedir. Aquí vola deixamos. Carta ao Apalpador Xa para finalizar, gustaríanos deixarvos unhas recomendacións que nos dou o Apalpador para que poidamos desfrutar da nosa lingua e cultura nestas datas tan especiais. Your browser does n
Ler máis

A Voz do Canicouva

 Extra! Extra! Xa está aquí o número 1 do noso xornal de centro: A Voz do Canicouva. Este curso, o equipo de dinamización da lingua galega en colaboración co equipo de biblioteca, decidiu substituír a nosa fermosa revista por un xornal, para así traballar o formato papel na Semana da Prensa. Cada clase elaborou unha serie de artigos sobre as actividades realizadas no presente curso, e o alumnado de educación infantil foi o encargado de pór a nota de cor cos seus orixinais anuncios ofrecendo todo tipo de produtos e servizos. Esperamos que desfrutedes do contido tanto coma nós. E se che gusta, podes descargar o teu exemplar aquí mesmo. A voz do Canicouva de Sabela
Ler máis

TINTUBRO

Ola lingoreteiros e lingoreteiras! Alguén por estes lares coñece o Inktober? Estamos seguras de que si! Trátase dun desafío creado por Jake Parker en 2009 para mellorar os hábitos de debuxo. Desde entón, miles de artistas  participan cada ano, compartindo as súas creacións en redes sociais. Inktober provén das palabras ink + october; ink en inglés significa tinta, e october débese a que o desafío se desenvolve durante o mes de outubro. E como outubro é o mes do Samaín, non vemos mellor xeito de celebralo que uníndonos á proposta de  @a_fiestra_da_mestra  e realizar un reto terrorífico. Así que aquí vos presentamos o noso...   TINTUBRO! Seguro que se pensades no Samaín, rapidamente se vos veñen á cachola morcegos, cabazas, bruxas e pantasmas. E todas elas son figuras bastante arrepiantes, con presencia nas mellores películas sobre esta celebración. Pero sabedes? En Galicia temos un feixe de figuras terroríficas que superan con creces a calquera morcego desorientado. Si, si, como volo co
Ler máis