As nosas letras!

Olaaa familia lingoreteirana! Xa estamos en maio, no mes das letras, das nosas benqueridas letras! Para celebralas, no centro anotámonos ao reto #queveñenasletras, onde ata o 17 de maio, cada día se sube un libro en galego. O obxectivo é encher este mes as redes sociais co bo traballo das nosas autoras e tradutores. Animámosvos desde aquí a participar, non fai falla participar todos os días, só aqueles que teñades un libro que desexedes compartir.

O reto finaliza o 17 de maio, o día das Letras Galegas, que se recordades ben se celebra este día en honra da publicación de Cantares Gallegos de Rosalía de Castro.

Este ano, o día das Letras Galegas homenaxéase a Francisco Fernández del Riego, que por certo! Sabíades que foi un dos autores que no seu día propuxo a celebración das Letras Galegas? Francisco ten unha ampla traxectoria intelectual, política e artística e é o responsable da creación da editorial Galaxia que seguro que vós soa a moitas de vós!

Para que vos acheguedes a súa vida e obra, deixámosvos un vídeo feito polo alumnado do Colexio San Pío X, que ano tras ano elaboran un vídeo sobre o autor  ou autora homenaxeada.

Para aquelas persoas interesadas en afondar máis na traxectoria do autor, a TVG publicou unha serie documental  titulada Francisco Fernández del Riego, o que nunca se rendeu, con 6 capítulos de arredor de 15 minutos cada un deles.

 Xa para rematar, deixámosvos un enlace directo ao Seminario Galán, onde se recollen distintas actividades sobre a vida e obra de Franciso (en papel e dixital) organizadas por etapa e ciclo. 

E feliz mes das letras!