Feliz Entroido!

 

Queridísima comunidade lingoreteira! Moi feliz Entroido, Antroido, Entruido, Introido, Entrudo... ou como ben lle chamedes! E é que en Galicia temos 15 variantes distintas para referise a esta celebración que tanto desfrutamos ao longo e ancho de todo o territorio galego. Porque do mesmo xeito que existe un feixe de palabras para referise a dita festa popular, existe outro feixe de formas de celebrala, cada unha delas cos seus traxes e máscaras características: os peliqueiros, os cigarróns, os volantes, os boteiros, as pantallas... e por suposto os nosos merdeiros! Todas estas figuras e algunhas máis recollidas na pedagóxica lámina da ilustradora  Abi Castillo. Para as que sexades máis de fotografía, o ourensano Tono Arias recolle en Encarnados toda a tradición galega e que condensa na súa curta documental que podedes desfrutar aquí.


E da man do alumnado de 6º de Infantil no Canicouva tamén desfrutamos de toda a tradición, concretamente da dos cigarróns que fusionaron o popular co proxecto artístico do centro deseñando as máscaras coa estétita de Piet Mondrian. Deixámosvolas por aquí e animámosvos a percorrer as rúas en busca das máscaras máis orixinais!

Feliz Entroido!

 

 Fotos de Sabela

Comentarios

Publicar un comentario

Publicacións populares deste blog

O Apalpador

Imaxe
Ola queridas e queridos lingoreteiros! Levamos xa un tempiño sen pasarnos por aquí, pero achégase o Nadal e non hai nada que nos guste tanto coma as celebracións! E é que o Nadal fai que todo sexa moito máis fermoso: as rúas engálanse cos seus mellores adornos, volven as sobremesas máis ricas do ano, pasamos tempo coas nosas persoas favoritas e ademais... de cando en vez cae algún agasallo! E como tamén nos gustan moito os agasallos, e non só os materiais;   gustaríanos presentarvos a alguén que dedica a súa vida a facer agasallos para os demais: O Apalpador. Seguro que moitas e moitos xa escoitáchedes falar del algunha vez, para os que non, por aquí vos traemos algunha información para que poidades coñecer a este personaxe un chisquiño mellor. O Apalpador, tamén chamando Apalpabarrigas ou Pandegueiro, é un home alto que vive nas montañas de Galicia. Algúns meniños e meniñas que tiveron a sorte de velo din que é un xigante, pero quizais isto sexa un efecto óptico da perspectiva...
Ler máis

TINTUBRO

Ola lingoreteiros e lingoreteiras! Alguén por estes lares coñece o Inktober? Estamos seguras de que si! Trátase dun desafío creado por Jake Parker en 2009 para mellorar os hábitos de debuxo. Desde entón, miles de artistas  participan cada ano, compartindo as súas creacións en redes sociais. Inktober provén das palabras ink + october; ink en inglés significa tinta, e october débese a que o desafío se desenvolve durante o mes de outubro. E como outubro é o mes do Samaín, non vemos mellor xeito de celebralo que uníndonos á proposta de  @a_fiestra_da_mestra  e realizar un reto terrorífico. Así que aquí vos presentamos o noso...   TINTUBRO! Seguro que se pensades no Samaín, rapidamente se vos veñen á cachola morcegos, cabazas, bruxas e pantasmas. E todas elas son figuras bastante arrepiantes, con presencia nas mellores películas sobre esta celebración. Pero sabedes? En Galicia temos un feixe de figuras terroríficas que superan con creces a calquera morcego desorientado. S...
Ler máis

A visita do Apalpador

Imaxe
Queridos Lingoreteir@s! Como ben sabedes, esta semana tivemos unha visita moi especial no cole, a do Apalpador. Esta entrañable personalidade chegou ao Canicouva directa do Courel, directa en autobús... que vén sendo similar a chegar a pé. Para todas aquelas persoas que non asistichedes ao cole o martes, deixámosvos por aquí unhas fotiños que son a proba fidedigna de que o Pandigueiro visitou o Canicouva. Como podedes imaxinar, a ruta foi longa e o Apalpador xa padece algúns dos achaques propios da idade. Emporiso, a fatiga non lle resta nin unha chisca de ledicia e as alí presentes puidemos desfrutar da súa grata compaña. E por iso decidimos escribirlle unha carta. Desta vez non para pedirlle nada, senón de agradecemento, porque non vai ser todo pedir. Aquí vola deixamos. Carta ao Apalpador Xa para finalizar, gustaríanos deixarvos unhas recomendacións que nos dou o Apalpador para que poidamos desfrutar da nosa lingua e cultura nestas datas tan especiais. Your browser does n...
Ler máis