Benvidas e benvidos á nova bitároca Lingoreteir@s!

Este curso estreamos unha nova bitácora de Lingoreteir@s, e queremos dárvola benvida e aproveitar para animarvos a empregar moito a lingua galega!

Ademais, para que non perdades pista do contido anterior, aquí, na marxe esquerda, atoparedes entre os enlaces de interese a antiga bitácora, para poder acceder de xeito directo: http://revistascanicouva.blogspot.com/

Tamén vos deixamos un acceso directo ao Instagram do cole, onde subiremos aquelas actividades culturais alleas ao centro que pensamos que poden ser do voso interese, para que así desfrutedes tamén do galego fóra da escola. Subirémolas a través de historias e deixarémolas na sección "Destacados" para que poidades acceder a axenda cultural en calquera momento.

Por último, como esta bitácora nace na estación das cabaciñas e das castañas, deixámosvos unha canción por aquí para celebrar o outono e as súas fermosas cores!


Ata pronto lingoreteiras!

Comentarios

Publicar un comentario

Publicacións populares deste blog

A Voz do Canicouva

 Extra! Extra! Xa está aquí o número 1 do noso xornal de centro: A Voz do Canicouva. Este curso, o equipo de dinamización da lingua galega en colaboración co equipo de biblioteca, decidiu substituír a nosa fermosa revista por un xornal, para así traballar o formato papel na Semana da Prensa. Cada clase elaborou unha serie de artigos sobre as actividades realizadas no presente curso, e o alumnado de educación infantil foi o encargado de pór a nota de cor cos seus orixinais anuncios ofrecendo todo tipo de produtos e servizos. Esperamos que desfrutedes do contido tanto coma nós. E se che gusta, podes descargar o teu exemplar aquí mesmo. A voz do Canicouva de Sabela
Ler máis

A visita do Apalpador

Imaxe
Queridos Lingoreteir@s! Como ben sabedes, esta semana tivemos unha visita moi especial no cole, a do Apalpador. Esta entrañable personalidade chegou ao Canicouva directa do Courel, directa en autobús... que vén sendo similar a chegar a pé. Para todas aquelas persoas que non asistichedes ao cole o martes, deixámosvos por aquí unhas fotiños que son a proba fidedigna de que o Pandigueiro visitou o Canicouva. Como podedes imaxinar, a ruta foi longa e o Apalpador xa padece algúns dos achaques propios da idade. Emporiso, a fatiga non lle resta nin unha chisca de ledicia e as alí presentes puidemos desfrutar da súa grata compaña. E por iso decidimos escribirlle unha carta. Desta vez non para pedirlle nada, senón de agradecemento, porque non vai ser todo pedir. Aquí vola deixamos. Carta ao Apalpador Xa para finalizar, gustaríanos deixarvos unhas recomendacións que nos dou o Apalpador para que poidamos desfrutar da nosa lingua e cultura nestas datas tan especiais. Your browser does n
Ler máis

O Apalpador

Imaxe
Ola queridas e queridos lingoreteiros! Levamos xa un tempiño sen pasarnos por aquí, pero achégase o Nadal e non hai nada que nos guste tanto coma as celebracións! E é que o Nadal fai que todo sexa moito máis fermoso: as rúas engálanse cos seus mellores adornos, volven as sobremesas máis ricas do ano, pasamos tempo coas nosas persoas favoritas e ademais... de cando en vez cae algún agasallo! E como tamén nos gustan moito os agasallos, e non só os materiais;   gustaríanos presentarvos a alguén que dedica a súa vida a facer agasallos para os demais: O Apalpador. Seguro que moitas e moitos xa escoitáchedes falar del algunha vez, para os que non, por aquí vos traemos algunha información para que poidades coñecer a este personaxe un chisquiño mellor. O Apalpador, tamén chamando Apalpabarrigas ou Pandegueiro, é un home alto que vive nas montañas de Galicia. Algúns meniños e meniñas que tiveron a sorte de velo din que é un xigante, pero quizais isto sexa un efecto óptico da perspectiva inf
Ler máis